Sjå

Du trudde kanskje at å sjå var eit vanleg nynorsk verb? I så fall trur eg du skal sjå deg om etter eit par nye lesebrillar. Sjå er nemleg ein nynorsk variant av det velkjente programmeringsspråket C.

Sjå vart utvikla under .nyno-bølgjen på 80-talet. Språket har mange fellestrekk med C, men inneheld også element som er karakteristisk for nynorsk programmering.

Variablar i Sjå

Sjå inneheld ikkje nøyakteg dei same variabla som C. Dei mest brukte variablane i Sjå er:

• Heiltal er Sjå-ekvivalenten av integer
• Flyttal kan ikkje definerast i Sjå. Ein må derimot bruke brudden brøk
• Ekvivalenten av string heiter tarjei (kortform for Tarjei Vesaas-novelle).

Kontrollstrukturar i Sjå

Sjå er eit Turing-komplett språk, og inneheld kontrollstrukturar som liknar C:

• Ei while-løkkje definerast med å skrive medan
• Eit if-utsegn kan gjerast med å skrive viss
• case kallast med å skrive døme
• Ein kan introdusere ein break ved å skrive kaffipause

Døme på syntaks

heiltal a = 0
heiltal b = 3
heiltal i = 0

medan a<=b {
  i = i + 1
   viss a==b {
     skriv('a er lik b')
   }
   elles {
   }

   viss i>10 {
     kaffipause
   }

}
  

Spesielle element i Sjå

Sjå er tilrettelagt for parallellprosessering. For C-kompilatorar som er tilpassa parallellprosessering ville ein gjere følgjande mfor å parallellprosessere ei for-løkkje:

parfor
  # Do parallell processing of operation
end

I Sjå gjerast dette slik:

samstundes ... {
   # Gjer fleire operasjonar samstundes.
}

Variantar av Sjå

Sjå Skarpt er ei objektorientert vidareutvikling av Sjå. Ein klasse er kalt ei bås i Sjå Skarpt, og kan enten vere offentleg (public) eller hemmeleg (private):

bås BåsNamn {
       heiltal variabelEin, variabelTo
    offentleg
       ...
}